पर्वतको फलेबास नगरपालिकामा एमालेका पदमपाणी शर्मा विजयी
जेष्ठ ३, २०७४ पर्वतको फलेबास नगरपालिकामा एमालेका पदमपाणी शर्मा विजयी हुनु भएको छ । शर्माले निकटतम प्रतिद्वन्दी कांग्रेसका गंगाधर तिवारीलाई ३४८ मतले पछि पार्दै जित हासिल गर्नुभयो । शर्माले ६१०३ मत प्राप्त गर्नुभयो। उहाँका निकटतम प्रतिद्वन्दी कांग्रेसका तिवारीले ५७५५ मत प्राप्त गर्नुभयो । उपप्रमुखमा एमालेकै मञ्जु अधिकारीले ५९५४ मत ल्याएर बिजयी हुनु भएको छ । । निकटतम प्रतिद्वन्दी कांग्रेसकी रेखा गुरुङले ५६५९ मत प्राप्त गर्नुभयो । ११ वटा वडा रहेको फलेबासमा ९ वटा वडामा एमालेको प्यानल बिजयी भएको छ । एमालेले १, २, ४, ५, ६, ७, ८, ९ र १० मा बिजयी भएको हो । फलेबासको ३ र ११ मा नेपाली कांग्रेसको प्यानल विजयी भएको छ । १९१२८ मतदाता रहेको फलेबासमा १२९७६ मत खसेका थिए । फलेबासमा नेकपा माओवादी केन्द्रका प्रत्यासी मोती रेग्मीले ४१४ मतसहित तेस्रो स्थानमा रहनु भएको छ । माओबादी केन्द्रबाट उपमेयरका प्रत्यासी शोभा क्षेत्रीले ६९६ मत प्राप्त गर्नुभयो ।
0 comments:
Post a Comment